శ్రీకృష్ణస్తుతి
కస్తూరి తిలకమ్ము ఘన లలాటమ్మందు
కల్గి వక్షమ్మందు కౌస్తుభమును
నాసాగ్రమందున నవ మౌక్తికంబును
కరతలమ్మందున గానమురళి
కనక కంకణములు కరకమలంబులన్
సర్వాంగముల హరిచందనమ్ము
శుక్తి కంఠంబున మౌక్తిక మాలలు
విభవాన దాల్చియు వెల్గు చుండి
గోపికా పరివేష్టిత రూపి యయ్యు
విజయ దరహాస చంద్రికా విలసనమున
నిల్చు 'గోపాలచూడామణిన్' వ్రజేశు
చిద్విలాసుని కృష్ణుని చేరి కొలుతు
✍️గోపాలుని మధుసూదన రావు
కామెంట్‌లు లేవు:
కామెంట్‌ను పోస్ట్ చేయండి