🌹వినయాంజలి 🌹
నిరతమీ సంసార నీరధిన్ బడి యీది
వపువు పై యాశను వదల లేక
తేలుచున్ మునుగుచున్ దీరమ్ము కనలేక
ప్రాణ ప్రయాణముల్ బ్రతుకు నందు
శతసంఖ్య లోర్చితిన్ సర్వేశ్వరా ! యీశ !
చాలు మిథ్యాసౌఖ్య సతత భ్రమలు
నిత్య సౌఖ్యమ్మది నెనరుతో నా కిమ్ము
రక్షించి నిరతమ్ము రాగమునను
బ్రతుకు భ్రమలను పోగొట్టి సతము నాకు
ముక్తి నొసగుమ దివ్యానురక్తి చూపి
పరమపావన శంకరా ! భసిత దేహ !
పార్వతీనాథ ! వేడద పాహి ! పాహి !
✍️గోపాలుని మధుసూదన రావు 🙏
కామెంట్‌లు లేవు:
కామెంట్‌ను పోస్ట్ చేయండి