పరమశివునకు భక్త్యాంజలి
ఆత్మయే నీవయ్య నగజయే నా మతి
ప్రమథాళి ప్రాణముల్ భసితదేహ !
నిత్యమ్ము నిద్దుర నిత్యసమాధియే
దేహమే గేహమ్ము దివ్యతేజ !
చరణాల చలనమే యరయ ప్రదక్షిణ
పలికెడి వాక్కులే భవ్య నుతులు
ఎయ్యవి కర్మంబు లెపుడాచరింతునో
యయ్యవి నీ సేవె ననయ మెంచ
సర్వ వాక్కాయ కర్మలు సర్పభూష !
నీకె యర్పింతు మనసార నిచ్చలందు
కరుణ చూపుము పరమేశ ! కామితార్థ !
పార్వతీనాథ ! పశుపతే ! పాహి ! పాహి !
కర చరణములతో కర్ణ నేత్రాలతో
భాషణమ్ములతోడ పనులతోడ
నిరతమ్ము మదియందు నే నాచరించెడి
కడు విధమ్ములు యైన కర్మ లందు
సరియును సరికాని సర్వమౌ చర్యల
క్షమియించి కావుము స్వాంత మందు
జ్ఞాన మజ్ఞానాల నాచరించిన యట్టి
చర్యల మన్నించు చారురూప !
నిన్నె నమ్మితి నిరతమ్ము నీలకంఠ !
కాచి ప్రోవుము నన్ను నో కామితార్థ !
భక్తపాలన శంకరా !భవ విదూర:!
పార్వతీనాథ !పశుపతే ! పాహి ! పాహి !
✍️గోపాలుని మధుసూదన రావు 🙏
కామెంట్‌లు లేవు:
కామెంట్‌ను పోస్ట్ చేయండి