🌹శ్రీరామచంద్రుని శివుధనుర్భంగము🌹
సీ. శ్రీరామచంద్రుండు చేబూని ధనువున
కల్లియన్ దగిలించ 'పెళ్లు' మనియె
ఘన కార్ముకంబును తన చేత ధరియించ
గంటలు కదిలియు 'ఘల్లు' మనియె
విన పెనుసవ్వడిన్ వీనులున్ కదలంగ
జనుల డెందంబులు 'ఝల్లు' మనియె
విఱిగిన వెనువెంట విపరీతముగ నున్న
భీతితో గుండె 'గుభిల్లు' మనియె
తే. ఒక్క క్షణమందు నచ్చట మిక్కుటముగ
'పెళ్లు' 'ఘల్ల'ని 'ఝల్లు' 'గుభిల్లు' మనియు
సవ్వడులు గల్గె వెనువెంట సంభ్రమమున
వీరు డా రామచంద్రుండు విఱువ విల్లు.
✍️గోపాలుని మధుసూదన రావు🙏
కామెంట్లు లేవు:
కామెంట్ను పోస్ట్ చేయండి